【懷舊系列】金鳳大餐廳

又係我地爹您術士ching們帶大家響油尖旺區搵食既時間, 今次我地黎到尖沙咀! 聽到響尖沙咀搵食實係諗住會好貴啦, 但你咁諗就錯哂, 因為我地爹您術士係帶大家去食平到不得了既下午茶, 呢間就係金鳳大餐廳啦!!! 唔知大家知唔知, 其實金鳳係有幾間分店既呢?

一入到去, 見到D咁懷舊既裝修, 感覺就好似去左間冰室咁。

事不宜遲, 即刻話俾大家知點解要帶大家黎呢度食野! 登登登登...........

呢度最貴既下午茶只係25蚊, 仲要凍飲唔洗加錢, 仲唔洗加一嫁! 今次爹您術士係咪冇介紹錯呢?! 由於爹您術士就食過好多次, 所以決定重點推介"沙嗲牛肉炒河"俾大家。

沙嗲牛肉炒河

呢個牛河配合濃味既沙嗲牛肉, D肉又唔會話煮到好"un", 配菜 (青椒，洋蔥等)又唔會太多, 而且D河粉都幾滑, 真係好值得推介。

不過呢男仔就有機會食唔飽, 呢個時候就可以叫埋呢個只係十幾蚊既法蘭西多士 (連埋野飲嫁), 飲埋杯香滑奶茶, 正!

法蘭西多士

香滑奶茶

爹您術士溫馨提示: 呢度既下午茶5點半就完, 記得早DD去呀!!!

地址: 尖沙咀山林道9號A地下