2014年10月10日 星期五

【一窩瘋】The Live House

大家一睇到The Live House呢個名會以為我地爹您術士帶大家去左邊度聽concert, 但其實呢間油尖旺區位於旺角既餐廳。佢既特別之處係可以一邊食, 仲有機會一邊欣賞live band, 有多重既享受。

一入到去先發現其實裡面都唔算太大, 但環境都唔算太差, 但燈光就可能要配合主題所以暗左D。而且咁岩入到去又有live band, 所以環境都幾嘈吵, 如果鍾意靜靜地食餐飯就可能唔太適合啦。順帶一題, 去之前記得book位, 經Openrice! book仲有個小食送嫁!
好好彩我去既時段咁岩有Live Band睇

大家認住呢個門口呀, 好容易行過miss左嫁














唔好講咁多, 我地即刻入正題啦!

小食拼盤




首先黎既就係呢個小食拼盤, 由於佢份量唔多,所以好快就食哂! 雞翼同個洋蔥圈都非常普通, 但係個薯條就超級好味!!佢熱辣辣, 配合埋煙肉,乳酪同芝士真係一流! 建議大家下次去淨係叫芝士乳酪薯條就得啦!






煙肉卡邦尼意粉







第二道就係煙肉卡邦尼意粉, 呢個意粉個汁幾juicy, 同埋D意粉又唔會煮得太"林", 都幾好食! 只不過佢個做法唔太特別, 所以有機會我會想試下D特別D既!










德州醬烤豬肋骨






最後一碟就係德州醬烤豬肋骨。個醬幾好味同埋幾特別, 而且對比響出面食Rubs既價錢佢算係幾抵食同埋幾大條。 不過佢既肉就冇出面好貴果D咁有口感咁"煙un", 肉既部份亦都冇咁多, 但一分錢一分貨, 呢個價錢食到咁大條rubs, 我都算滿意。











爹您術士一致認為, 呢度食物同氣氛都唔錯, 值得推介。



地址: 旺角彌敦道731號地庫

3 則留言:

Welcome to comment!!
歡迎大家留言喎!