【一窩瘋】大鍋口海鮮火鍋店

呢排天氣開始涼涼地，又係時候約埋一班朋友齊齊去烚下烚下。
打邊爐逐碟叫又好似唔多抵，想任食既又怕中伏？

今次，啊叔為你介紹既係 - 大鍋口海鮮火鍋店。
其實啊叔我初初唔識野，以為大鍋口海鮮火鍋店真係係大窩口。
不過原來佐敦莊士倫敦廣場都有間分店既。

因為都幾受歡迎，所以建議各位早少少打電話去訂定位啊。
如果唔係都要等幾耐架！
電話：2116 2106

坐低之後緊係諗下要咩湯底先啦！
湯底方面，有分收費同免費既。
而且選擇都比較多，有超過十款唔同特色既湯底。
當食到一半冇乜湯既時候，店員會問咩湯底再加番湯。
唔係加水架！咁個湯底就唔會淡晒啦，十分抵讚啊！！！

之後再同大家睇下有野食啦！
食物方面，其實同其他任食火鍋大同少異。
不過細心睇下，點菜單上都有幾款較特別既食物。
其他任食火鍋好少會提供部分食物款式。
例如：手打丸類，韓國年糕，干貝燒，鵪鶉蛋，蟹棒及響鈴等。
值得一提，是日推介海鮮會有生蠔，生猛賴尿蝦等。
推薦各位下次去既可以order以上既提及既食物。

以任食既價位而言，食物質素及新鮮度已經係十分好啦！
肥牛黎講係正既！唔係劣質深色牛肉又唔會話太多肥膏。

飲品方面，隨左一般啤酒汽水之外，大鍋口提供左一款韓國汽水。
如果唔想飲啤酒汽水既話又可以選擇鮮榨橙汁，外冬瓜薏米水，水蜜桃綠茶。

總括黎講，以咁既價錢食到有一定質素既任食邊爐，已經十分少。
快d約埋班三五知己黎啤啤佢，齊齊飲飽食醉！！！

以上圖片轉自OpenRice 香港開飯喇

【捐窿捐啦】十八座狗仔粉

今次我們爹您術士為大家介紹位於佐敦的十八座狗仔粉，尋回小時侯的街頭小食，懷舊一番。
This time we would like to introduce Gum Jeng in Jordan to get back the memories in old days.
 

十八座狗仔粉舖面

十八座狗仔粉菜單

 去十八座狗仔粉，當然要食最出名的狗仔粉。一碗樣似平平的粉仔：
Visiting Gum Jeng, of course we need to try the most famous food - dog tail liked noodle. It looks like nothing special.

十八座狗仔粉

當然要加上菜脯食啦！菜圃有辣，不辣可自行調味。
Of course, we need to add dried radish. There are spicy dried radish and non-spicy dried radish.

這才算是一碗真正的粉仔！
This is the real dog tail liked noodle!

十八座狗仔粉

外形又短又粗的粉仔口感彈牙，湯底濃稠，味道濃郁，充滿蝦米和冬菇鮮味。再加上惹味的菜脯，非常開胃。不過味道真的有點濃，小弟要配可樂一起才可以。
 The noodles look short and thick. It is cherry. The taste of soup is rich of dried shrimps and dried mushrooms. Eating the noodle with dried radish is very delicious. Moreover, the taste is a bit heavy. I need to have it with a can of coke.

 十八座狗仔粉另一有名小食就是招牌火鴨翅：
The other famous dish of Gum Jeng -  Fake shark fin soup with duck:

招牌火鴨翅  

火鴨的鴨味濃郁，亦十分足料！店舖選用素翅，並不是粉絲做的，口感比較佳。加上有很多木耳絲，十分爽口。
The soup is rich of duck favour. Also, there are many ingredients. They chose fake shark fin, besides of vermicelli.The texture is much better. And, they added many black fungus. The soup is more rich and tasty.

地址: 佐敦寧波街27A地下

【一窩瘋】重慶姑爺雞煲放題

想係油尖旺區食雞煲，除左連鎖式餐廳嘅選擇，我地爹您術士帶大家去位於佐敦既重慶姑爺雞煲放題！很多食雞煲嘅餐廳都係是雞煲一個價錢，然後追加火鍋的配料又是一個價錢，逐碟計算，但這個姑爺雞煲係放題，模式不同，除了可追加火鍋配料外，更有多款熱食供食客享用，種類多，質素和味道也很不錯！

入到去感覺好寬闊，每枱嘅枱面均有枱號之餘，還細心寫上Wifi登入名稱及密碼，細心！另外，值得一讚嘅係佢地可收納隨身物品嘅櫈，大大節省空間，方便客人盡情食食食！！！

講左咁耐，等我地爹您術士話你地知有咩好食！
而度嘅主角---雞煲，有三款口味，一·重慶辣雞煲，二·胡椒花膠雞煲，三·韓國部隊雞煲，爹您術士就揀左重慶辣雞煲(小辣)同韓國部隊雞煲。係等緊雞煲嘅時侯，就出去攞熟食食品同飲品。
自助餐吧枱上放有讓人驚喜的食物，包括雞翼﹑小雞髀，香料不算濃烈，微辣，很惹味。仲有牛油粟米、司華力腸、燒排骨、胡椒蘿蔔豬肚湯、紅酒燴牛尾、芝士煙肉焗青口等等，多到數唔哂，很落本呢！燒豬仔髀又係驚喜之作，大大件﹑啖啖肉，令人吃得暢快，調味佳且入味，而且持續供應，不怕沒得encore!!!看得出店方真係好有誠意！

除左係自助餐吧枱有大汽水櫃，食店每個角落總有一個單櫃放滿汽水，店方固然有供應大路的可樂﹑雪碧、啤酒，另外，仲有 Lemon C+及不同口味的韓式飲品，如各款忌廉梳打﹑Lotte芒果汁﹑Lotte檸檬茶等。

當然少不了要提我地嘅主角雞煲，重慶辣雞煲(小辣)辣得黎又有少少甜，D雞入味得黎又好滑，非常惹味！如果愛辣之人絕對可以試中辣/大辣！

而韓國部隊雞煲本身都非常足料，除左有雞，仲有齊年糕、午餐肉、香腸、泡菜、嫩豆腐同芝士麵等，完全係韓式部隊鍋，個湯仲愈耐愈入味!

另外，兩個雞煲都真係加湯，而唔係加水，又一讚！

其實吃了一兩輪熱食，再加雞煲，已經有D飽，但沒理由不吃火鍋嘛，所以又點了多款配料吃。大部分常見嘅火鍋配料都有，例如黑豚肉、肥牛、羊肉、丸、菇、青口等等，仲有花膠，但爹您術士覺得唯一敗筆就係冇響鈴。火鍋配料雖然賣相一般，但味道不錯。

如果食飽得濟，仲可以去沙津自助吧自選沙津中和下！

甜品除左可以任食雀巢雪糕，仲可以每人可叫多一份甜品，包括pancake、木糠布甸、奶凍等等，當中如果想要焦糖燉蛋，廚師更會即刻係客人面前係燉蛋面加了白砂糖，加上火槍，有埋視覺享受！

整體重慶姑爺雞煲放題食物質素不錯，而且5人同行,1人免費！我地7位爹您術士埋單平均每人百三都唔洗，絕對係一班朋友食飯嘅抵食之選！！！

地址:佐敦彌敦道219號莊士倫敦廣場6樓

【懷舊系列】香港茶記嘅代表 - 澳牛

繼上次一探華星之後，我哋爹您術士今次嚟到香港茶記界數一數二嘅龍頭大佬 - 澳洲牛奶公司 - 朝一朝聖。無錯，澳牛係屬於我哋香港人咖。點解咁講？淨係睇啲伙記嘅態度同效率就知，完全係正宗殿堂級嘅港式茶記。

剛進門，收銀櫃台嘅伙記就嗌「五位！～嗰邊！」櫈都尚未坐暖，企喺身旁嘅伙記已經金睛火眼盯住我咃五個，雖然佢未開口，但從佢熱切嘅眼神，我聽得出「嘀嗒嘀嗒…」的聲音不斷加快，完全感受到佢幾想我哋快啲落單，唔好哂大家時間。

由於爹您術士已經食咗晚飯，就淨係嚟負責試甜品。「唔該，一個鮮奶燉蛋白吖」

「一個白！」幫我哋落單嘅伙記一咆哮，三秒後，鮮奶燉蛋白旋即由第二位伙記遞上。效率之高，實在令全枱驚嘆！伙記嘅比例完全係一枱客一個伙記，絕對係犀利過五星級酒店。

(熱) 鮮奶燉蛋白 $26

好味指數：4.5/5
推介指數：4/5

不愧用「牛奶」二字命名嘅餐廳！每一啖都滲透著濃郁嘅牛奶香味，幸福感立即湧上心頭。相對市面上其他鋪，澳牛呢碗比較黏稠，口感比較滑。

若然係特別喜愛奶味嘅朋友，即使天氣比較熱，筆者堅持推介食熱。

(熱) 杏汁燉雞蛋 $26 

好味指數：3/5  

推介指數：2.5/5

望吓個樣就知有幾滑。食落去，杏汁味道較為清淡，蛋嘅味道相對突出。如果係好似爹您術士咁聞吓都怕杏仁味，輕嚐一口，過吓口癮都係可以接受嘅。不過，對於酷愛杏汁嘅朋友而言，杏汁嘅比例稍為失望。

　
每次嚟到澳牛，筆者都必點嘅不二之選 - 茶餐。
好味指數：4/5
推介指數：4/5

茶餐-火煺炒蛋併多士

真心想拜個廚為師，點樣炒到啲蛋咁香滑。配埋烘到啱啱燶燶哋嘅多士！！！夾埋一齊放入口，十世無食到咁頂呱呱嘅快餐！真係要學食神裡面嘅家燕姐講句「嘩！好好味啊～呢種感覺好似騰雲駕霧一樣！」炒蛋嘅份量，比起一般茶餐廳多，多士亦都比較厚身，咬落去嘅口感分係絕對100！

茶餐-叉燒湯意

男生們唔洗怕唔夠飽，茶餐除咗多士炒蛋之外，仲有個麵。即使最愛沙嗲牛麵嘅我，嚟到呢度都捨棄沙嗲牛。因為港式湯意真係唔係到到有！外國人鐘唔鐘意呢種味道嘅意粉我唔知啦，但香港人就一定會鐘意。濃郁嘅豬骨湯，加上幾片肥瘦均勻嘅叉燒片，彈牙唔黏身嘅意粉。

(凍) 好立克  跟餐凍飲+$2 

當伙記察覺到我就嚟食完個茶餐，就主動問我飲咩。唔洗講，又係九秒九速度奉上。

碎冰，飲落去特別爽。邊飲邊有啲嘢咬下，又唔會令到杯嘢飲太淡味。讚！

(凍) 好立克
居然都用熱碟上，點解？
事關當旺場嗰陣，有碟托底，可以方便伙記輕鬆展現佢哋捧餐絕技，閒閒哋單手就夾住三四五杯飲品端俾啲客。

總括嚟講，澳牛嘅水準保持得幾好，「高效率，好味道！」

但切記，唔好期望喺度劉華講嗰句「親切嘅笑容，誠懇嘅服務態度」會出現，畢竟嘆澳牛，係真係食好嘢，而唔係嘆伙記虛偽嘅笑容。期望越少，越容易好似我哋咁得到喜出望外嘅服務。

未試過嘅朋友一定要試，唔係你真係唔好同人講你住香港，食過茶記。

溫馨提示：如果下午茶時段去試，有心理準備要企係熱辣辣嘅街頭等一等。筆者建議，晚飯時段去較佳，可以避開暮名而去嘅人流。

位置：佐敦白加士街47號

建議路線：佐敦地鐵站C1出口，步行5分鐘。

【異國風】Ramen Champion

一次過可以滿足到你三個願望, 就唔只出奇蛋可以, 去Ramen Champion都可以。 今次我地爹您術士就帶大家黎到呢間位於佐敦嘅店舖, 入面有6間不同的拉麵鋪位, 你可以一次過同朋友試日本不同地區出名嘅拉面。去日本都難以做到嘅事情, 響油尖旺區就做到啦。

一入到去就會有工作人員派一個卡片俾你, 只要拎著卡片就可以買野食, 走嘅時候先一次過埋單。

我地最後決定試下昆沙門零﹑無双同八盛屋。因為無双有獨特湯底, 八盛屋有沾麵, 昆沙門零就受到網上一致好評。

我地係唔同鋪買完麵之後, 佢地都會俾一個機我地, 我地只要乖乖地坐係到, 咩都唔洗做, 等機響就可以出去拎麵。

最先可以拎得的就係昆沙門零嘅麵, 佢地嘅湯底比較濃, 但係又唔會過火, 係一個唔錯的選擇。

之後就到八盛屋嘅沾面, 係相到都睇到個湯就有味粉未溶。如果各位唔係咁鍾意重口味, 但係又想試沾麵, 我地就建議你可以拎杯水黎, 中和一下個味道。

最後無双儲夠氣先出到, 所以最遲先到。 試過前兩個比較濃烈的湯底, 無双的湯底可說係相當有驚喜, 入口相當清甜, 亦唔係主流的豬骨湯而係雞骨湯。 我地爹您術士俾夠5個讚佢。

最後提提大家, 可以用智能手機下載一個名為SODA的程式, 然後登記成為用戶, 就可以得到全單9折的優惠。









地址: 九龍彌敦道恆豐中心地庫3層 4-12及26-31號舖 (佐敦站E出口)