【捐窿捐啦】通達食店 Tung Tat Food Shop

通達呢個名我細細個就聽過啦!係唔係好出名?我就唔知啦, 但我真係細細個已經食佢,因為我讀個間小學就係附近, 我媽咪有時會帶我同哥哥去通達食野,所以過開太子口痕都會過黎食野,每次都重拾我童年回憶,好似番番細個個陣咁。

黎到通達一定要食佢個招牌魚蛋!!!!!

有辣有唔辣

招牌魚蛋

佢既招牌魚蛋有辣同不辣之分，從顏色睇上去，已見到魚蛋已煮左一段時間，應該有足夠時間吸收咖喱味。食落魚蛋肉質非常結實有咬口，咖哩味道香辣澎湃，重點係D辣又可以入到D魚蛋入面,真係好正!!!

碗仔翅魚肉

仲有仲有,我細個最愛---碗仔翅魚肉，重口味既糊仔, 肉絲,菇,木耳超多，魚肉都保持到水準，依然係煙韌而有重魚味。生菜o係最底 ,清甜爽脆 , 相比起魚肉粒 , 份量顯然比較少，食番都開心!

栥飯

呢個栥飯Spd4459 Deli Yau Tsim Mong我細個成日帶番學食,次次有得帶都好開心糯米煙靱，不過佢感覺唔係好黏咁，即係有DD爽既感覺，炸菜真係幾鹹不過好惹味 ；而油炸鬼就唔太脆，但係可接受既"林"。

地址:旺角花園街172號地下

【懷舊系列】金華冰廳

太子其實有好多野食, 你平時去開邊間呢?食D咩呢? 太子有條食街,其中華星冰室我地Spd4459 IMPR Deli Yau Tsim Mong 都有介紹過, 到今次再黎到太子食咩好?
其實有時黎到太子行下金魚街花園街,行過金華都係好想去, 見到佢既菠蘿油就流哂口水! 但係見到好多人我又趕時間結果就無去過了。今次終於去到了!!!

金華冰廳

門口招牌

一早聽講過金華既菠蘿油好好食，所以一定叫呢個!

菠蘿油

本身我已經係個菠蘿包愛好者,WOW, 真係未試過都唔知咁正。個菠蘿包好大個好厚身,出面包皮烘得岩岩好,咬落去熱辣辣得黎又有質感,再講上面嗰舊脆脆皮,真係my favorite!!!!,好厚又多,落足料 ,味道十分濃郁,本身呢個菠蘿包熱辣辣新鮮出爐真係無得輸, 再加上一塊凍冰冰又厚又大既牛油, 真係超好味., 十個讃!!!!!!!!!!

凍奶茶

唔知大家會唔會同spd4459 Deli yau tsim mong一樣覺得菠蘿油係要配凍奶茶。凍奶茶味道偏甜，茶味好濃, 如果大家怕甜可以叫少甜。

地址:太子弼街47號地下

愛酸好辣之士必試之選 - 雲貴川風味 -

- 雲貴川風味 - 

推介指數：4/5

抵食指數：3.5/5

天氣一凍少少，就好想食酸辣、麻辣米線暖暖胃！IMPR SPD4459 Deliyautsimmong 為食既爹您術士今日心想事成，巧合路過一間新開張的酸辣米線鋪 - 雲貴川風味 （太子分店）-




爹您術士對於食不嬲好有要求，眼見玻璃門貼滿好多雜誌推介，場內係非繁忙時段都客似雲來，於是決定一戰！果然 - 雲貴川風味 - 無令爹您術士失望。

單單係「落單紙」呢方面，雲貴川風味(太子分店) 應該係爹您術士見過最為客人著想既一間米線鋪，考試答題都無咁多姿多彩既選擇。

顧客至上既落單紙

食得嘴尖既你，絕對唔洗怕落單時候，走蔥走芽菜加咩，要求多多會被侍應姐姐啤。客人可以隨自己喜好揀選：「辣度」、「酸度」、「走唔走配菜」、「加大」、「轉薯粉」等特別要求。

SPD4459 爹您術士 最開心係有得揀「多酸汁」+ 「多酸菜」，仲要唔洗額外加錢！對於食酸既朋友黎講，真係好抵！

就連同一款既配料，店主都細心到「有辣有唔辣，任君選擇」！

誠如店主推介，

愛酸愛辣既爹您術士點選左：

「麻辣腩肉」
＋「麻辣豬耳」
＋「辣豬肚絲」
＋「多酸中辣　酸辣湯底」
辣勁好夠，唔太嗆喉！
食完不單止暖胃，直程成身出哂汗。















SPD4459 Deliyautsimmong 爹您術士油旺 - 帶俾大家既溫馨提示：

１）即使愛辣既朋友，第一次黎試都係由淺入深比較好。
不然好客易辣過龍食唔落，又或者食到胃痛。事關佢呢度既辣都勁足。

２）最好自備紙巾，始終食辣好容易一個不留神就嗆喉。

地址：旺角西洋菜南街109號鋪

店舖營業至凌晨12時

雲貴川風味FB專頁：https://www.facebook.com/tasteofv

Edited by SPD4459 Internet Marketing and Public Relations
Deliyautsimmong

【異國風】旺角熟食中心系列(一) : 澳門翠苑茶餐廳

話說之前spd4459返工返旺角朗豪坊諗唔到食咩，就會過對面旺角熟食中心食，因為平靚正！！！當我發現左有呢個熟食中心之後，覺得超方便，有時出開旺角諗唔到食咩都會過黎呢度食，呢度有好多間比大家，有車仔面，平價幾餸飯，仲有咖哩農夫包
唔知大家有無聽過澳門翠苑茶餐廳呢間餐廳呢, 有無試過食佢既招牌咖哩農夫包呢?
登登登....今次同大家SHARE下用平民價錢食葡國野, 係咪好新鮮呢:) 食葡國野, 唔洗過澳門既, 喺香港都有得食既!我諗大家都有聽過澳門茶餐廳, 但價錢比較貴, 所以今次我地Spd4459 Internet Marketing and Public Relations(Yau Tsim Mong)爹您術士同大家黎到旺角搵食-----澳門翠苑茶餐廳 !

咖哩豬頸肉農夫包

招牌咖哩農夫包, 係呢度既鎮店之寶，所以spd4459 Deli Yau Tsim Mong黎到就即刻叫左呢個咖哩豬頸肉農夫包,咁個餐包Ｄ咩呢？就係包呢個咖哩豬頸肉農夫包,羅宋湯,咖哩汁同埋飲品。

呢度既農夫包係即叫即整, 所以好新鮮(正!!!),大家時間就預番20分鐘左右度啦。
終於等到啦,個農夫包既SIZE真係大到不得了,一個人真係食唔哂,所以兩個人食就應該岩岩好,好足料! 咖哩係葡式咖哩,食落唔會太辣,不過就有椰香既香味,我食親咖哩都例食豬仔包, 食佢呢個就梗係食住農夫包點D咖哩黎食,而D咖哩滲哂落麵包裏面,但D麵包好脆,所以食落好正!!!
之後到豬頸肉很香，幾嫩唔太肥，配上咖哩汁食, 一直都覺得豬頸肉同咖哩係絕配!

大家真係得閒可以過去試下, Spd4459 deli Yau Tsim Mong仝人誠意推介!

地址: 旺角上海街557號旺角熟食中心2樓8號舖

【鬆一鬆】RBTea

RBTea

今次爹您術士經過太子始創廣場, 見到一間好多兔仔做裝飾嘅café覺得幾得意, 同埋都相當多人等位, 所以就決定坐低試試。

受歡迎亦有受歡迎嘅缺點, 我地一行七人, 就已經用左半個鐘去搵位。 溫馨小提示: 如果多過4個人去就要早啲到達, 避過人流高鋒期, 因為鋪內只有一張6人大枱。

睇過餐牌後, 我地就叫晒所有的dinner set, 焦糖朱古力輕食鬆餅同冰淇淋蜜糖吐司盒。

 美中不足就是當天珍珠奶茶售罄。

決定好就要自己去收銀處到落單, 收銀就會有個牌仔俾你, 等侍應將食物送上。

另外, 如果like左佢fb page, 而全單滿100蚊就可以有10蚊折扣。

佢上菜嘅速度真係十分快, 我地落完單到坐低唔夠半分鐘已經為我地送上食物。

我地係強烈推介俄式蕃茄土豆燉牛肉飯,。肉燉的相當淋, 而味道也十分吸引。另外四個意粉和螺絲粉味道不算特出, 但也超乎一般水準。

最後, 焦糖朱古力輕食鬆餅也是另一強烈推介。 鬆餅相當鬆脆, 但又不會過份地乾。這完美的甜品亦令我地滿足地離開。

現附上其他食物照: 

地址: 太子彌敦道750號始創中心2樓232號舖

【甜在心】芝麻開門甜品

老實講句，食完晚飯再直落食糖水is基本

今次"爹您術士"為大家介紹油尖旺區位於太子既 － 芝麻開門甜品

"媽呢媽呢空...芝麻開門"

首先要一提既係鋪頭既環境舒服，佈置都十分有心思
踏入店內抬頭一望，可以望到一堆色彩繽紛既玻璃汽球

色彩繽紛的玻璃汽球

重點來鳥! 頭炮介紹鎮店皇牌芝麻開門海盜船海盜船以芒果同木瓜作為船身，再配上雪糕及不同既生果，賣相已經十分吸引!新鮮水果加埋香滑雪糕，岩晒熱辣辣既夏天享用。爹您術士認為: “一個字講晒，無得輸!”







再黎既係，黑白糖不甩 
黑色糖不甩用上黑芝麻製作，香濃味美，而且糖不甩的外皮做得非常軟糯，食落有口感但係又不黏嘴亦不黐牙。再灑上大量椰絲、花生碎、芝麻及砂糖等，使味道層次更加豐富。

最後要介紹既係芒果拿破崙
製作其間已經傳黎陣陣既香味，搞到小編口心都流埋出黎! 酥皮非常鬆化，口感一流! 六個字形容，神奇! 頂級! 超卓! 酥皮夾著厚厚既果肉，每一口都好“芒果”






原來仲可以包埸開party架喎 到時會唔會係一個甜品放題呢？

【懷舊系列】華星冰室

我地爹您術士最近走過太子, 看到華星冰室店外的裝潢既有懷舊風味, 亦不失香港新舊融合的特色, 而且價錢亦不算貴, 就決定進去一試究竟。

      

進門後, 侍應快速地給我們指引位置。我們一邊看餐牌, 一邊上網搜尋一下其他人的主力推介。因為我地只有兩個人, 所以都要同其他人搭枱。

原本想一試重口味一丁, 可惜當天去到經已售罄。最後就決定叫了一個常餐, 沙嗲牛肉包, 一個校長多士和一個黑松露炒蛋多士。

校長多士

食物很快就送到, 第一個送到的是校長多士, 上面有著黑松露和芝士, 氣味也十分吸引。一咬下去, 感覺十分爽脆, 強烈推介要襯熱吃！另外等候時間比較長, 記著坐低就好叫喇。

之後常餐亦送到, 當中的炒蛋也算軟滑, 但跟澳牛的還是有段距離。

沙嗲牛肉包

黑松露炒蛋多士

沙嗲牛肉包則沒有十分突出之處。而最後的黑松露炒蛋多士, 蛋比多士還要厚, 吃下去十分實在, 也有黑松露粒粒在口中, 感覺十分有趣。

• 地址: 旺角西洋菜南街107號地下  
• 電話: 2520 6666
• 營業時間: 星期一至日: 07:00-23:00