【甜在心】Lab Made 分子雪糕專門店

今日我地spd4459 DeliYauTsimMong 就會介紹下Lab Made 分子雪糕專門店

Lab Made總共有5間分店 總店於大坑 分店設於尖沙嘴，將軍澳，屯門及北角。

他們以非傳統的方式製作雪糕，雪糕的味道更加可以千變萬化。
每一杯雪糕製作過程十分簡單，需時一分鐘也不用，而且可以親眼看著雪糕製成，就像小時候玩家家酒一樣，充滿玩味。

雪糕漿加入液態氮，以高速攪拌成雪糕。液態氮能在20至30秒內迅速阻礙水分子聚合成大冰粒，令做出來的雪糕寧舍幼滑。亦正因如此，任何想得出的味道基本上都可以透過使用液態氮來製作雪糕，驚喜比從前更多。而且會定時推出不同的口味。

近期是halloween，Lab Made都推出4款以halloween為主題的口味。

【異國風】Hungry Korean

我們SPD4459 爹你術士又帶大家去食韓國菜，上回講到尖沙咀既漢城。今次我地介紹同樣位於尖沙咀的Hungry Korean。嫌上次介紹既比較貴的話，可以試下呢間！呢間比較實惠，但人比較多，通常都要等下位。

We, SPD4459 deliyautsimmong, bring you guys to have Korean dishes. Last time, we introduced Hansung Co. This time, we introduce another Korean restaurant, Hungry Korean, which is also located in Tsim Sha Tsui. If you want a more bargaining restaurant, you may choose this. But this restaurant may need to wait for getting a seat.

Hungry Korean門口

姐姐正在做韓式壽司

Menu

相信大家都成日食日式壽司，但你食過韓式壽司未？呢度既有姐姐即做既韓式壽司。我地SPD4459 爹你術士為大家率先試味！

I believe you always eat Japanese sushi, but have you ever tried Korean sushi before? This restaurant have fresh Korean sushi made by the ladies. We, SPD4459 deliyautsimmong, are going to try this!

韓式芝士壽司

小弟第一次食韓式壽司，發現原來韓式壽司與日式卷物相類似。但韓式壽司十分足料，有多種食材。有：飯，紫菜，芝士，中華沙律，牛肉，甘荀，蘿蔔等。一口咬落去，口感十分豐富。有爽脆的蔬菜，配合香濃的韓式牛肉和芝士粒。平時不太喜愛韓國食品的我都十分愛食！

This is my first time to try Korean sushi. I discovered Korean sushi is similar to the Japanese rolls. But Korean sushi has lots of ingredients, like: rice, seaweed, cheese, sea plants, beef, carrots, radishes. The taste is complex. There are fresh vegetables with sweet Korean beef and cheese. Although I am not a Korean lover, I still would like to eat more pieces.

泡菜豬肉跟飯

我地爹你術士點了泡菜豬肉跟飯，連飲品４８蚊，一支公既朋友可以選擇。拍拖既朋友更加要揀！４８蚊有得ＪＡＲ　ＪＡＲ聲，幾正呀！熱呼呼的泡菜豬肉十分入味。

We, deliyautsimmong, ordered a Kimchi pork with rice. With drink, it costs $48. If you go alone, it is a good choice for you. $48 can have the sound effect of "JAR JAR". That's cool. This pork is very tasty with the taste of Kimchi. Great!

韓式拉麵

這個韓式拉麵好似平時屋企食果款即食麵。 除左夠地道既韓式風味，我地爹你術士就麻麻地喇！如果你真係鐘意食泡菜國既食物的話，你地可以一戰既．．．

This is Korean Ramyun. This is like the Korean instant noodles. It is really Korean style and taste, but it is not really recommended. If you really like Korean food, you can still have a try.

地址：尖沙咀亞士厘道24-38號天星大廈地下B號舖

【異國風】漢城 Hansung Co.

上次帶完大家喺旺角食台灣野，今次spd4459爹您術士油尖旺yau tsim mong異國風系列

就帶大家黎到尖沙咀搵韓國野食！

話說漢城同另一間韓國野(邊間？請等下回分解)係我尖沙咀既韓國飯堂，久唔久想食下泡菜。

其實漢城我諗大家都唔陌生嫁啦，分店都係喺油尖旺區，

約會，re-u,一窩瘋都得，又唔洗等好耐位。

今次我點左啲咩食？而家就話你知……

環境Surrounding environment

由於是次唔係假日，我地去到既時候唔需要等位，入到去依舊簡單整潔。每張檯都有一壺水同杯，方便客人飲用。

餐牌Menu

餐牌Menu

附上漢城經典餐牌，中英韓文對照，圖文並茂。除普通飲品外，另有各式啤酒提供。

炸雞餐牌 Korean Fried Chicken menu

唔知大家有無受來自星星的你影響，好想食炸雞飲啤酒呢？漢城有三款炸雞，分別係甜辣炸雞，豉油炸雞同埋原味炸雞。份量方面，客人可以選擇半隻或者一隻，如果一隻既話就會送一罐hite啤酒添！
由於對上一次SPD4459Yau Tsim Mong油尖旺爹您術士小隊黎漢城試左原味，今次就想試下新口味，叫左半隻甜辣炸雞。仲有叫左啲咩？叫左我既例牌辛辣麵炒年糕，泡菜餅，海鮮煎餅同埋一罐芒果汁價值十圓正。

小碟

其實係我地睇緊menu諗食咩既時候，店員就比小碟我地食，有我最愛既泡菜！

甜辣炸雞 Sweet and Spicy Korean Fried Chicken

好野，第一碟黎既係甜辣炸雞，好香！睇賣相就好吸引了！外皮厚度一般，唔係太脆，但無滲油既情況出現, 而雞肉就保持有D水分，易咬易入口，配上甜辣醬汁更加惹味, 而且雞骨唔算多, 可以話係啖啖肉既。

海鮮煎餅Seafood Green Onion Pancake

實不相瞞，小妹去親飲茶都叫薄"餐”食，黎到漢城見到呢個賣相梗係唔好執輸，叫返個海鮮煎餅試下，睇下中式同韓式有咩分別啦！個海鮮煎餅一到，熱辣辣又香噴噴，我就急不及待試返一塊先。呢個煎餅的確同中式幾相似但比中式既厚身啲，多材料啲，都幾有口感，結果我就一塊一塊咁食哂。

泡菜餅 Kimchi Pancake

到泡菜餅了！同樣地當然唔好放凍先食，呢個泡菜餅都幾足料，啖啖都有泡菜, 唔算太辣,非常香口，喜歡吃辣既更加可以一試，但比海鮮煎餅膩一啲。

辛辣麵炒年糕Stir-fried Rice Cake Pasta With Ramen

最後就係到我每次既例牌， 重口味既我覺得呢個好飽肚好抵食，而且好中意年糕煙煙韌韌既口感，好似喺口度彈彈下。呢個份量都唔少，而且比較濃味，溫馨提示下大家，呢一個汁偏辣，可能食唔慣辣既朋友仔未必接受到佢既辣，因為係無得揀辣度嫁！但食辣既朋友，我地Spd4459 Yau Tsim Mong油尖旺爹您術士小隊誠意推介呢個比你！

芒果汁mango juice $10

地址:尖沙咀寶勒巷6-8A地下

【鬆一鬆】ECF cafe

今次我地爹您術士介紹嘅係尖沙咀有特色既樓上café---EFC café!!! 成間cafe以希臘作為裝飾主題，以藍白為主，牆上掛了不少油畫，令人置身其中，真的不錯!! 比起一般的cafe舒適也不算太吵，很適合聊天吃飯!角落還有一間小房子大沙發，適合一大班人gathering!!!
I LOVE this cafe A LOT!!!!This café is awesome!!!!

我地點了一個西冷扒的set dinner、三文魚凱撒沙律和小食拼盤!!!`

最先來到的是沙律，

 煙三文魚很新鮮，賣相一流，很喜歡帶點微酸的凱撒沙律，下一次再來一定會再點!!!

然後是小食拼盤，

小食拼盤有芝士春卷、雞翼、洋蔥圈和炸魚柳，賣相比pizza hut的小食拼盤差不多，很喜歡芝士春卷，咬開時有點像吃芝心批的邊，很滋味好吃!!!

set dinne叫了西冷牛扒，

set dinner可以選配薯茸薯角或薯片，
這次選了薯角，黑椒汁略濃，但西冷牛扒很大塊很惹味!兩位爹您術士也可以吃得好滿足!

最後點了一客心太軟和一杯特飲，

心太軟跟餐價$28，價錢合理，餐廳的侍應還很貼心問我要唔要點蠟燭。

哈哈，雖然這天唔係慶祝生日，但還是要了蠟燭，許了個願!!!XDD

Ice Mocha

好喜歡濃濃的咖啡味，份量也很適中。

我地爹您術士吃很得很飽很滿足，尖沙咀而言這個價錢超值，每人around $100!!!
加上環境氣氛不錯，侍應也很有禮貌，我地相信我地很快會再來光顧!!!

地址:尖沙咀亞士厘道27號7樓

【甜在心】甜牙牙

今次我地爹您術士黎左尖沙咀加拿分道食甜牙牙食甜品，正!!!

環境十分唔錯，裝修好有法國風味，係一個傾計既好地方!!!

個Menu真係勁吸引，我們看Menu已經勁興奮!
樣樣都好吸引，樣樣都想試，最後我地叫左3份甜品share !

三式蕉朱古力脆脆窩夫

個賣相好吸引，waffle嘅份量都不少!
看上來有兩塊正方型嘅waffle 再切成大小不一嘅形狀!
然後以竹籤穩固住堆砌而成!
伴碟有好多朱古力脆脆，一球朱古力雪糕同一小瓶糖漿!
旁邊當然有好多件香蕉啦!!
waffle大大塊，係飽肚又好吃嘅選擇!
點埋雪糕同朱古力脆脆一起吃嘅waffle更加好味，既有特色又有口感!

朱古力窩夫疊層層雪雪堡

窩夫上還有三球色彩繽紛的雪糕!
窩夫焗得有少少焦，即叫即整，散發濃濃嘅香氣!
食落熱乎乎，口感外脆內軟，配埋雪糕一齊食，真係好好好好味!
而且仲有好多水果伴碟，感覺fresh d，食完真係覺得自己好幸福!

e芭娜娜提拉米蘇 pancake

pancake內有banana 及tiramisu 芝士，單單看外表已經忍不住想試!

送上枱時 pancake仲係暖呼呼嘅，口感軟軟綿綿嘅，沒有苦澀嘅發粉味道，而且仲有淡淡的蛋香，配埋香蕉的味道很搭好夾!
而pancake入面夾著滿滿的香蕉， 食落口真係超級滿足!

總括黎講呢到既甜品有好多選擇又好味，埳相更加係一流!!!
而且服務認真，價錢又適中!!!值得一試!!!

【懷舊系列】金鳳大餐廳

又係我地爹您術士ching們帶大家響油尖旺區搵食既時間, 今次我地黎到尖沙咀! 聽到響尖沙咀搵食實係諗住會好貴啦, 但你咁諗就錯哂, 因為我地爹您術士係帶大家去食平到不得了既下午茶, 呢間就係金鳳大餐廳啦!!! 唔知大家知唔知, 其實金鳳係有幾間分店既呢?

一入到去, 見到D咁懷舊既裝修, 感覺就好似去左間冰室咁。

事不宜遲, 即刻話俾大家知點解要帶大家黎呢度食野! 登登登登...........

呢度最貴既下午茶只係25蚊, 仲要凍飲唔洗加錢, 仲唔洗加一嫁! 今次爹您術士係咪冇介紹錯呢?! 由於爹您術士就食過好多次, 所以決定重點推介"沙嗲牛肉炒河"俾大家。

沙嗲牛肉炒河

呢個牛河配合濃味既沙嗲牛肉, D肉又唔會話煮到好"un", 配菜 (青椒，洋蔥等)又唔會太多, 而且D河粉都幾滑, 真係好值得推介。

不過呢男仔就有機會食唔飽, 呢個時候就可以叫埋呢個只係十幾蚊既法蘭西多士 (連埋野飲嫁), 飲埋杯香滑奶茶, 正!

法蘭西多士

香滑奶茶

爹您術士溫馨提示: 呢度既下午茶5點半就完, 記得早DD去呀!!!

地址: 尖沙咀山林道9號A地下

【異國風】GOOOOOD SATAY

今日黎到尖東一個比較舊式既商場，帶大家品嚐星加波菜。雖然「好時沙嗲」隱藏喺比較寂靜既商場當中，但幕名黎光顧既食客都源源不絕。

Today, we introduce you a Singaporean restaurant. It is located at a relatively quiet mall, but still, lots of customers came for its delicious dishes.

伙記忙到踢哂腳，穿梭喺兩間鋪位之間，端住一碟碟香噴噴既餸經過。
「幾多位？個邊排隊坐住等！」
伙記一路都無過黎俾張飛仔，或者記低邊個先到，但食客又好井然有序咁源住鋪外既櫈等。

Although no waiting ticket is distributed, customers lined up orderly along the waiting seats outside the restaurants.

店內既裝潢、餐具都比較中式飯店，每一枱既位置稍微近，但講到逼，又唔算好逼。

The decorations and utensils are very traditional Chinese style. Spaces among tables are little bit crowded. 

排骨茶 ( $56 )

第一碟：排骨茶 (Rib Tea)
推介指數：4.5/5
美味指數：3.5/5

烏漆漆既湯底，色澤有點似鼓油。飲落口，味道偏濃，花椒同茴香好突出，藥材既味道慢慢回甘，有少少類似准山帶酸既味道。
齋飲個湯飲唔慣，有少少怪，唔似廣東老火湯。

但配一口少少肥既排骨再飲，嘩！肉既脂肪中和左個湯既酸味，頓時係另一種既享受。

惟獨略嫌肉既戲份比較少…

以異國風味黎講，值得一試！！

串燒( $43)

第二碟：串燒  (Roasted Porkchop, Beef, Chicken)
推介指數：4/5
美味指數：3.5/5

由於伙記多三強調串燒一叫要叫半打，筆者好好奇咁叫左豬、牛雞各三串一試。

口感同普通串燒店既大同小異，以豬、牛、雞三種黎講，牛肉串燒比較好味！

不過，串燒既重點始終係個醬汁！

相比港式串燒店既沙嗲醬，呢度既沙嗲醬偏甜，辣味既後勁比較強。

絕對要一試！單憑筆墨，好難形容個差異。

海南雞飯( $47 )：辣醬、芥末、薑蔥

第三碟：海南雞飯
(Hainanese Chicken Rice)
推介指數：4/5
美味指數：4.5/5


黎得食星加波菜，又點可以少得海南雞飯。

先講賣相，配上紅、黃、綠三碟另上既汁料任君選擇，顏色既鮮艷大大提升食慾。

雞好滑，飯亦都粒粒有嚼勁，滲有濃濃既雞湯香味。再配埋一口清淡既豬骨湯送飯，完全唔怕濟。

個人比較推介沾辣醬！呢隻辣醬有別一般單純既辣勁，唔嗆喉，帶微酸，越食越開胃。

椰青 ($27)

最後，點左一個新鮮椰青 (Coconut)。

由於剛才食既沙嗲、湯、飯都比較濃味，飲番啖清熱解渴既椰青，簡直係劃上完美既句號。










地址：九龍尖沙咀東部好時中心一樓144-148室
電話：2739 9808
建議路線：尖沙咀地鐵站G出口/ 尖東站P2出口

Address: 144-148 Houston Centre, 63 Mody Rd., T.S.T East, Kln.